...هندسة إنك داري

هندسة إنك داري ...عائد هذا قراري

أول شي سامحوني....من زمااااااااان ما كتبت بوست و مشتااااااااق (مررررررة) لأني كنت مع لوية الانتخابات في كليتنا (الهندسة) والي الحمد الله انتهت بفوووووووووووووووز القائمة (العلمية) بـ 1208 صوت ^_^ حدي مستانس!! وبفرق 301 عن القائمة الثانية (الهندسية)، يعتبر 301 صوت فرق كبيييييير خاصة ان الهندسية كانت فايزة على العلمية بفرق 100 صوت السنة الي طافت !! الانتخابات في كلية الهندسة من اقوى الانتخابات على مستوى الجامعة والدليل (التكتيكاات) الانتخابية الي تسويها القوائم....والي يشتغل بالانتخابات يعرف ;)

قلب واحد

كنت أحس ان عاملين القائمة (100شخص) على قلب واحد وجنهم اخوان ،،ما يرضون على بعض،،الشغل موزع بينهم،،ايحاتوون بعض بالدراسة،، حتى في آخر يوم قبل الانتخابات نمنا(اعتكفنا) كلنا ويا بعض في مسجد باليرموك ورحنا الكليه بعد الفجر عشان نحجز المصافط الي داخل كلية الهندسة والي تكفي 25 سيارة ،،،عشان الي يمر ايشوف لزقات (العلمية) على السيايير :)

شدوا حيلهم ربعنا ويبنا الكلية هالسنة و الله يعينا ان نقدم الي فيه خير

"العاملين ايقولون "إييييييييييلك يا هندسية

تصويري ^_^

!مو هامه أحد

نشيدة هالسنه كلمات أحمد الكندري وإنشاد ابراهيم السعيد

اضغط هنا للتحميل

مسلسلات رمضان2

...التكملة

وفي نفس الوقت الي الابو يقول حق بنته (حبتج القراده) لأ ماراح تتزوجين ولد الجيران....يدخل ولدهم يتعاطى مخدرات!فجأة يرن تليفون البيت...يرفع السماعة الأبو (تطقه البوهه+ ايصطل) كان الاتصال من الشركة انها خسرة!فجأة الابو تحوشه سكته قلبية
.
.
وين لازم ايروحون؟
.
المستشفى
.
.
منو الطبيب؟
..

دكتوووور ها بشر؟؟؟!!!
.
.
يا جماعة البقى براسكم...اابوكم مات
مات؟؟ مات!! لاااااااااااااا
لاااااا
ملاحظة: بدون هذا المشهد مايصير مسلسل دراما كويتي ..كل واحد يلزق بأقرب طوفه ويبجي عليها ويدشون على الميت ويمسكونه ويقولووووون....لاااااااااااا ابوي ما مات....

.
.
.
في هذي اللحظه يبدا الجزئ الاخير من المسلسل من حلقة 21 الى 30 واليي سمي المسلسل عشانه
STAR 6RAGS
من هالحلقة تبدأ الطراقات ....(لازم ايصير في طق و طرقات و ترفس ولا ما يصير اسمها فجر السعيد)
المهم...تبدأ الام وتطق الدكتور طراق!!
بعدها الطبيب ياخذ السماعه مالته ويزنط فيها الولد المدمن
وتصير هوشه بالمستشفى
.

.

يطلع الدكتور اهو ابو واحد من (رفاق السوء)

(اضغط على الرابط).

.

و

و

و

..

.

بعدين الولد ايدش السجن

والبنت تتزوج ولد الجيران

والام تمسك الشركة

ويطمع العم بالورث(اضغط على الرابط).... ويبي ياخذ و........و..........وإلخ

لييييييييييي آخر حلقة،، هذي مسلسلات رمضان

(ماكو سالفة)

حلاته برمضان الواحد يقعد مع اهله ولا يقرا قرآن ويروح الدروس في المسايد وصلاة التراويح عند العفاسي ولانعمة حسان أحسن له بوايد ....ولا شرايكم؟

شنو جدولكم برمضان؟

Back To School...

بعد انتهاء اليوم الدراسي الأول........أخييييييييييييييييييرا.............سجلت كل المواد الي ابيها حق هالكورس(التسجيل حق الجامعة معاناة).....ادري طولت وااااايد على الجزء الثاني من المسلسل بس......شرايكم بربعي؟؟؟

;)

مسلسلات رمضان

قرب شهر رمضان وبدت الاعلانات حق المسلسلات الي راح تنعرض برمضان

.....وهذا واحد منهم
.
.

سيداتي ....سادتي

نقدم لكم مسلسل الموسم الذي أحدث ضجه في المهرجانات الأخيره والذي كان له نصيب الأسد من مجموع المشاهدين الي مجابلين التلفزيون برمضان ،حاز على جائزه في الأوسكار و سبع مداليات في الملاكمة، وشهادة من مؤسسة (التفاهه) العالمية............أقدم لكم
((طراقات النجوم))

المسلسل ((معيود)) وكل سنه نفس القصة مثل ما انتو عارفين لكن هالسنه غيروا الاسماء،يروي المسلسل في اول20 حلقة ،،قصة عائلة ثرية عندها شركه ويرانهم فقاره، بعدين الولد من العايله الفقيره يتعرف على البنت من العايله الغنيه ويبي يتزوجها ، لكن ابو البنت ما يرضى انها تتزوجه،،،لأنه دايما يقول....

والعايله هذي عندهم ولد وسيم بالثنويه، كلا هايت ويطلع مع ربعه وما يدري عن أحد ويرجع تالي الليل

.

.

وفي يوم من الأيام (الحلقة رقم 14) يوله السايق والطباخ وقصووا عليه....

قالوله: إهنا يبي يعطيك معبوج عشان سوي ياااااكل ....واجد مازبوووت
.

.

ويوم بعد يوم الولد أدمن على المعبوج.....
آخر شي طلع المعبوج مخدرات وليس معبوج وظهرت على الولد آثار الادمان

تغيرت حياة الولد وصار ايصارخ على امه و ينام وايد.....وعلى الساعة 12 بالليل والناس نايمه...الابو يسمع صوت بالسطح

يصعد الابو السطح بهدوء.....صدمة! تطلع البنت قاعد اتسولف مع ولد الجيران
يركظ الابو بسرعه ويدز البنت من السطح
:والتطيح من الطابق الثاني لي الارض على( براطمها)وتنتفخ البراطم بعدين تصارخ البنت

.

.

يتبع في البوست القادم!!الحلقة21 الى الحلقة الأخيرة

Star 6rags?لماذا سمي

وماذا سيحدث للسائق والطباخ؟

هل سيبدأ الاب في استخدام الطراقات؟

هل تحاول فجر السعيد تقليد أفلام جيمس بوند أم أن الطراقات للآكشن فقط؟

هذا ما سنعرفه في اللقاء القادم

العم بوبدر

عظم الله أجر الكويت و المسلمين و العالم كله بوفات العم عبدالله العلي المطوع (بوبدر)...انا من سكان المنصورية واسكن في نفس القطعة الي يسكن فيها العم بوبدر وأصلي في نفس المسجد الي يصلي فيه...يمكن كلنا سمعنا وقرينا بالجرايد عن افعال سواها هذا الانسان العظيم لكن أنا عشتها وكنت اشوفه يوميا بالمسجد ما كان يطوف صلاة....وكان اهوه واثنين من شياب المسجد (الله يطول بعمرهم ويخليلنا اياهم) وهم العم حامد الرفاعي و العم حمود البادي مع إمام المسجد(بو أحمد) يعملون حلقة قرآن لتصحيح القرآئه و لتفسير الآياتمن بعد صلاة الفجر حتى شروق الشمس بعدها يصلي ركعتين وبعدين ايريح بالبيت شويه ليبدأ العمل في الصباح بنشاط في مكتبه...كان العم عبدالله العلي حنوووون جدا...كنت انا وصاحبي (هشام) داخل المسجد نسولف والعم بوبدرعلى بعد 10 أمتار تقريبا مع واحد من عياله

.

الولد(بعد ما حب راس ابوه):يبا..ابي اروح اشتري بنطلون

العم بوبدر:خير ان شالله...مع منو؟

الولد:الحين بيوديني السايق

العم بو بدر:كم تحتاج؟

الولد:8دنانير

العم بوبدر:عيل هاك 10

وفجأه ...يناديني ويا صاحبي هشام الي كنا نسولف بعيد عنهم

العم بوبدر:(كويت-آي)....هشام....تعالوا هني

انا:نعم...عمي؟؟؟

العم بوبدر(وبإيده عشرتين):هاكم

أنا و هشام:؟؟؟؟

العم بوبدر:عطيت عشر دنانير حق (....)...انا اعطي عيالي كلهم بالتساوي

.

.

الله يرحمه....كان صج ايعاملنا عياله...في كل عيد كان يعطينا عيديه :) ومستحيل ينساها

.

.

ما كانت تصير مشكله بين اهله واهل المنطقة الا ويحاول يحلها ويراضي الاطراف...وعلى فكره مشكله الحكم ليما توفى الشيخ جابر الي كانت داخل عايلة (الصباح) كان له دور في تهديئ الوضع

.

.

زاد الملغ الي كان عند شركة ابوه من 140000 ربيه الى ملايين الملايين وخير الله يعلم فيه...كان مايرضى بفلس ربا وكان مؤمن ان الزكاة تزيد الفلوس ما تنقصهه...وكانت زكاته 10% وليست 2.5%الله يرحمك يا العم بوبدر

.

.

كانوا الفقراء و الجمعيات الخيرية المختلفة من خارج الكويت يأتون لصلاة الفجر يومياً في مسجدنا ليسألوه من أمواله فيعطيهم وهو لا يخشى الفقر

.

.

في عزاءه كانت المقبرة زحممممممممممممممممة السيارات تملئ المكان كلهم حضروا ليؤدوا واجب العزاء

غير المعزين من الدول العربيه و الخليجيه وبلاد المسلمين

.

.

على فكرة كان العم عبدالله المطوع و الشيخ جابر الأحمد الصباح مولودين في نفس الليله...رحمهم الله رحمة واسعه و أدخلهم فسيح جناته

.

.

.

"من المؤمنين رجال صدقوا ما عاهدوا الله عليه فمنهم من قضى نحبه و منهم من ينتظر وما بدلوا تبديلا"

Back 2 Q8 :)

آآآآآآآه....يا حلاة الكويت وجوهه و اهلهه و كل شي فيها

:)

والله لكم وحشه يا معشر المبلغرين و عالم المدونين

.

.

.

.

:(

شنو هذااااااااااااااااااااااااا؟؟؟؟

اشفيه البلوغ صاير جذي؟؟؟ ليش القراطيس و قواطي البيبسي بكل مكان؟ حطب الدامه ضايع منهم سبعه! منو الي كاب (ميرندا) على الارض؟ وليش الطوفه ريحتها كتشب؟

هذا وانا موصيكم؟

.

يلا ماعليه ...اهم شي شوفتكم والقعده وياكم بعد (الفلم) الي صار بتركيا

^_^ ادري انكم تنطرون الصوايغ....هيهيهيييي.....ما نسيتهم

هذا التيشيرت حق يعقووبوو عليه صورة بعض زوار البلوغ :P

هذي البطول الي وصتني عليهم (سمايل) لايروح بالكم بعيد

هذي بطول هوا بارد من هناك بس للأسف لونها قلب

:(

احسن الصوايغ الي تكون من عادات اهل الديرة عشان جذي انا يبت حق احلا حوب (سيخ الشورما) عشان تسويلنا (احلا شورما تركي)

احلاحب لوسمحتي بدون سلطة ;)

^_^ أما بو محمد الصراحه يستاهل يبتلك شاحن سيارة...شفت اني ما نسيتك

ايام الدولة العثمانيه كانوا الحريم ايشيلون جناط و الرياييل ايشيلون سيوف و دروع منها طلع هذا الاختراع تستاهل حساوية هذي الجنطة الي على درع

تابع

شاي -حليب اسمحلي كانت خوش كلونيه بس نصهه تبخر بالجنطة

تركيا مشهورة بشعر البنات اللذيذ! الي لونه ابيض وعليه فستق....بس ما مداني اشتري حق (ريلااااكس) فعشان جذي شريتلها شعر بنات من مطار الكويت