أمس رحت السالمية...عشان أتعشىانا و ولد عمي (ناصر) ...اهوه مو ولد عمي خليص لكن ايصير لي من بعييييييييييد
.
ما اطول عليكم....المهم
الي بالسالمية؟ شارع سالم المبارك؟ عرفتوه؟ Jony Rockets تعرفون
.
احنا رحنا المطعم الي يمه (كوردو) ....وكان(القرسون) مصري
انا كنت اسوق وناصر يم الجامه
.
.
القرسون: أهلا يا فندم مساء الخير
ناصر:شنو عندك يا الطيب؟
............القرسون:شورما،مسحب،كباب،كفته،طلياني،نقانق
انا: عطنا 2 شورما دياي بدون سلطة
ناصر:انا مابي مثل هذا (يأشر علي) عطني2 شورما لحم
القرسون:تبون شي بعد؟
!ناصر:سلامتك
(القرسون:مع سلطة ولا بدون؟ (يا ملقي
.
.
بعد خمس دقائق
.
القرسون: هذا طلب حدرتك
(ناصر: مشكور.....تفضل (عطاه عشرة
القرسون(يضحك):انتو كمان؟ انتو الكويتيين دايما بتعطوني (عشرااات) طب فين الخردة؟
oil...oil ...ناصر(يقلد حسين عبدالرضا):احنا الكويتيين نشرب نفط
!المصري انصدممممممم
انا(قاعد اطق ناصر باركبي):......لااهو....يقصد كلنا حبايب او....#@&؟
حاسبنا الريال ومشينا
حاسبنا الريال ومشينا
.
.
.
ناصر وقنها كان يتغشمر.........بس
ليش في وايد كويتيين شايفين روحهم؟
ليش ايحاجون الهنادوه بنفسيه وصراخ ما جنهم اكبر منهم؟
ليش تنادي الخدامة عشان تييبلك ماي؟
.
هناك ١٤ تعليقًا:
شنو يقصد ولد عمك مافهمت شي
بس صج في ناس وايد شايفين نفسهم مادري ليش مو بس على الهنود او المصاروه حتى الخليجيين يقولون انتوا الكويتيتن وايد شايفين نفسكم
ومثل مايقول المثل ولاد الحرام مخلوش لولاد الحلال حاجه
يعني ناس تخرب على ناس
حساوية انتي فلم هندي خليتي الموضوع كله وسألتي شلون طق بركبته
ياااااااااا غبيه اهو قصده واللي انا فهمته انه اهو طق ناصر على ركبته بس خانه التعبير
والله أعلم
7saweya...
عاد انتي طوفيها :)
ثانيا من زمان ما مريتي البلوج عسى ما شر؟
ناصر كان (متربع بالسيارة) من زود الرهاة عشان جذي قدرت احوش اركبه
-------------------
ههههههه
dr.phill حلوة مستر بن...انا شفت (دوكتر فيل)بمطعم كناري بحولي سبحان الله نسخه
a7laa7ob...
ناصر كان يتطنز وايقول انه احنا الكويتيين من كثر الفلوس نشرب نفط!!
اي ولله صدقتي "ولاد الحرام مخلوش لولاد الحلال حاجه" الي ختاشو ماتوا يا
a7laa7ob
:)
لوووووووووووووووووووووول
انتو اشفيكم على الادمي
الامريكان يحسبون كل عربي عندة بير نفط حقة مقة لوووووووووووووووول
خليني اقولك شغلة الي يشوف نفسة على الناس مسوي فيها بو عشرينات وعشرات ونفسية على الاوادم هذا انسان ناقص
اولا مافي ناس مستعبدين عند احد ولا بيكون في بشر مستعبدين الله خلف فقير وغني علشان الغني يعطف على الفقير مو يشوف نفسة علية
واذا تبي الصج مافي احلى من انك تبتسم في ويه الي قاعد يشتغل شغلة تذل وتعاملة زين لانك ممكن يدور الزمن عليك وتصير بمكانة :)
ليش لكويتيين شايفين نفسهم ؟؟؟سؤال حلو ..والاجابه عليه الغرور ..لأن التواضع صفة الفقارى وبلكويت ما كو احد يحب ينقال عنه فقير لو معاشه 250 سحط 240 اقصاد سيارته وعشر للبانزين وكروت الايزي على رفيجته ..المهم عاد ..ترى سؤال الاستبيان حده قوي ..والله اذا امفلسه ارد السلام وامشي واذا مو مفلسه اعطيه المقسوم ربع ..اميه فلس الموجود ..فحطيت اللي اعتقد انك تقصده اذا كان عندي فلوس وهندي سلم علي ..:)
q8-eye:
اي والله
7saweya:
شوفي عاد حدج تقعدين تسبين جدام العالم موحاشمه أحد
الله يعينج على نفسج
7saweya & a7laa7ob...
أقوووول انتي وياها...نجرة بالبلوق ما نبي!! سمعتوني؟؟
يلا الحين جدامي تسامحوا من بعض و كل وحده تسلم على الثاني (بالاصبع الاخير بالايد اليمنى) واخذوا شوية حلاو من البوست الي طاف
:)
لا أتغشمر
silver rain...
اي والله الاجانب من تقولين لهم (انا من الكويت) ايقولون
oil...oil..rich..money
مايدرون ان الدنية مختبصة عشان ال200 مالت الامير
^_^
3ateeja...
عدل كلامج (العموم ) ايحب الكشخة
والاسرااااااف المبالغ فيه
الله يحفظ ديرتنا
ولد خالتي مهاجر من زمااان,,
لما شاف الكويت
هالحجي سنة بداية 2004
يقول شنو انتوا كل واحد عنده بنك او ولد تاجر
كله مواتر من ويلك فلوس؟
قلت له
احلى سيارة قسطها 200
وإذ يبي اكشخ يسحب قرض بو 30 الف وياخذ احلى سيارة وقسطة 300 وشي
و و10 ايام من بداية الشهر
وبعدها ماعنده فلوس يصب بانزين
طبعا البعض مو الكل (;
ود عمك ما سوى شي جايد
بس هم الله يهداه أحرج الريال
:)
للأسف إحنا الكويتيين فينا هالعيب
و انا هني ما أعمم بس لازم نعترف بإنتشار هالآفة
الموقة و ما أدراك ما الموقة
لازم نتذكر هالحديث الشريف
من تواضع لله ، رفعه
شايفين نفسهم على شنو مادرين !!
الحمد الله محد يكد على احد وشايفين خير ونعمه !!
بس الغرور زايد عند الكوتيين بالذات .. السبب مدري يمكن كانو مو شايفين خير وبعدين شافوا خير فجأه وصارت عندهم عقده !!
ولا راضعين الغرور ؟؟
بس الدنيا ادور وماكو شي يبقى لاحد .. ماقلنا تصدقوا ولا عطوهمهم ..
معامله حسنه على الاقل ويه سمح
مو طقته وطقه الشسمونه واحد !!
بعدين ترى يوم القيامه اول مايحسابون عليه اهوه الخادم ..وتعاملهم وياه
(( اذا دعتك قدرتك على ظلم الناس فتذكر قدره الله عليك ))
الهنود اللي يسلمون غير عن اللي يشتغل غرسون من وجهة نظري يعني
اللي يمشي ويسلم استغفرالله ماني قايله عشان الفلوس ... بس ماتلاحظون مايخمون الا جدام السياره ؟ شي غريب ونوع يديد للطراره
يعني نرد السلام ماعندي مانع بس ليش اعطيه ربع او دينار؟
عشان اساعده يطر ؟
عندي هاللي يبيعون خرج واثواب صلاة ودلاقات احسن منه .. لأن قاعد يشتغل وياخذ على شغله .. بس هذا شقاعد يسوي؟
وقيس عليه الغرسون .. يشتغل وقاعد ياخذ على شغله
:) بس هذي نقطه حبيت اوصلها
اول شي اعذروني شباب لاني هالفتره انشغلت حق (السفرة) وما قمت ارد على الـcomments
يعقووبوو...
عمي كان يشتغل (بوزارة الشؤون) ايقول ايوني حريم (أرامل) متوفي زوجهم وعندهم عيال، العايلة عايشه على الله وعلى معاش (الشؤون)واييلك ولدهم يبي فراري والي يبي بروش، والام مسكينه تحط على نفسهه ديوووووون لي الراس بس عشان ولدهه يكشخ
eb9ara7a...
تو ما نور البلوق
^_^
r7eeq...
عدل كلامج..يامَ ناس كانو فوق فوق...جك بوم...صاروا مولاقين ياكلون
مثال:لبنان
يبقى ان احنا نتكلم عن مجموعة من الكويتيين وما نعمم،لان في من هالنوعية في كل بلد
relaaax...
انا اتوقع ان عمال النظافة ودهم يشتغلون شغلة ثانية بس موقادرين
،تذكرون (الاضراب)عن العمل الي سووه البنغاليه عشان ما عطوهم معاشاتهم 5 اشهر؟
انا اتوقع سوو جذي من كثر ما اهمه (مقهورين) من حالتهم التعبانه
اي عادي لا نجره ولا شي نمون على بعض غصبن علينا
ابي اعلق على سؤالك ليش الكويتين
شايفن عمرهم ؟؟
والله بربى اللى قاعد يسويه مجموعه معينه من الناس ( اقصد الكباريه ) من غرور وتفلسف قاعد يقلدوهم فيه الباجى اللى حتى ما في بوكه ربع دينار والله شى يحر ..
انا وحده من الناس اللى اتعامل مع كل الناس على طبيعتى بعيد عن الغرور .. لان كلنا عيال ادم وحواء
انا اأيد الاخت رحيق باللي قالته
يعني ماادري ليش بعضهم جذي الله يهداهم
والمعامله مع الخدم يعني ترى الخادمه ولا الخمّام بني آدم مثلنا والله حرام
يعني انا مره زفيت سايق كان عندنا وليلحين افكر بالموقف يعني اهو عود كبر ابوي يمكن..ولو ما الحاجه جان ما يه واشتغل سايق
وكافي ان دينا وصانا نعاملهم معامله حسنه
واكثر شي يرفع ضغطي لما احد ينادي الخادمه تييب له قلاص ماي ! والله عيب
إرسال تعليق