في رحلة مليئة بالأحداث( الدرامية)...مع ابن عمي الوسيييييم ناصر...كانت من ضمنها حضور عرض لاحد افلام (المخبر السري جيمس بوند)....الفلم (على قولتهم) آكشن والريال ما قصر الصراحة...خلص الفلم وهو ما انجرح!!، مابقى احد ما طقه ،،الدنيا كلها تلاحقه،،والعجيب طلقات المسدس ماتخلص؟؟،،، هذا كله صوب والذكاء والفطه صوب ثاني...تحليلاته غير منطقية بس لازم تطلع صح (المخرج عاوز كده) ...أما التكنلوجيا....يا عيني...((جهاز بحجم حقيبة اليد هو عباره عن غرفة عمليات متنقله...فيها حبوب البندول وأدوية التسمم و حتى الصدمه بالكهربااااء!!!)...طبعا (الشقحة) والنطة من الدور الثاني هذا شي خالصين منه........والتذبح و...و...و...وبالنهاية صاحبنا (جيمس بوند) يفوز على المجرمين وهو يضحك
.
.
السؤال الي يطرح نفسه
ليش جيمس بوند واحد و(ايهزء) مليون؟
جم جيمس بوند نحتاج عشان نحل بلاوينا في العالم العربي؟
جم راح يرتفع (الضغط) عنده اذا قرر انه يحل مشاكلنا؟ وهل بس راح ايشييب راسه ولا ايصلع مره وحد؟
:أنا اتوقع نحتاج ثلاثه
!واحد في الوزارات عشان يمنع (الواسطاااااااااات) ومرة وحده يمر على مجلس الأمة عشان اسقاط القروض
!وثاني بفلسطين يحررها بروحه لان الشعوب العربيه وحكامها الخونه ما يقدرون
! والثالث ايي لنا بر ميناء عبدالله عشان ينصب لنا المخييم للمرة الثالثه
ملاحظة: كُثر هم من يمثلون دور جيمس بوند في الكويت
هناك ٤ تعليقات:
كثر الممثلون و زاد إتقانهم للدور فصاروا يقدمونه باحتراف !
و لله للأسف إني شايفة محد يحب ديرتنا !
كل من يبي ينهب ما فيها و يمشي
حتى الكويتيين نفسهم - مو الكل طبعاً- يتسابقون منو يحوشله أكثر .. لا ذمه و لا ذمير لا حول و لا قوة إلا بالله
شي يضيق الخلق!
** على ظني حتى سوبرمان ماراح ينفعنا =/
* البوستر خرااافـه XD
"من أمن العقوبه...أساء الأدب"
الله يحفظنا ويحفظ الكويت
كوووويت ااااااي شلك بالسياسة يا كويت اااي لوول
امممم من وجهة نظري السديدة اقترح ان يكون في جيمس بوند يفكر ويتحرك ويحل مشكلة البدون الي مأزمة وايد ناس ومانعتهم بالتمتع باقل حق لهم وجنه ما يدري بالمرة خلي يعدل المناهج الدراسية ويخليها صالحه للاستخدام البشري ..
وعلى طريجه مرة وحده يمر الجمعية اييبلي باربيكان تفاح وبطاط برنغلز =)
تعجبني جرأتك في طرح افكارك
السؤال هو
ليش ماكو جيمس بوند خال
إرسال تعليق