Go Brazil....Go 3agad

عندما يتعلق الموضوع بكرة القدم ......دائما تلقوني آخر واحد

انا واحد ما اعرف من كرة القدم إلا ....اسمها

امس كنت مودي اليهال (خواني وعيال عمي!! انا عزابي :) ) حق تدريب منتخب البرازيل

ماكو غيري ايوديهم....

(مثل ما انتو عارفين نجووووووووووووووووم منتخب البرازيل الي ايسمونهم (السامبا

راح ايبارون نادي الكويت يوم السبت ""اليوم""7/10/2006 وكان تدريبهم امس الجمعة

والناس مختبه وحالتهم حاله

طبعا احنا بالمقصورة شغل عدل...:) 30 كي دي ،،،كيدي ينطح كيدي

وصلنا هناك نزلت معاي كامرتي...كتابي...آلة حاسبة...مصطرة و قلم

وقاعد احل مسائل (معقد صح؟؟) لا بس تدريب يعني شنو بطالع بله؟؟

الناس من كثر الفراغة قاعدين ايطالعون الشاشه الكبيرة كلما طلع لاعب مشهور ....اصفقون ويصفرون

بعد ما مرة 20 دقيقة تقريبا....الجمهور ملللو

ما وعينا والا الي شاقح الحاجز ونط في الملعب!!!!

(الحبيب رايح صوب اللاعبين....قرب...قرب...راح ولم واحد منهم (مادري شسمه

(يوله القوات الخاصة...سحبوه من افاه لي الدوريه...(الحبيب عباله سهالات السالفه

اليهال يسئلوني ليش ماسكينه؟؟؟ اقولهم لا بس يبونه بسالفه ويردونه :) خيييييير ان شالله

بعد عشر دقايق نط الثاني وراه الثالث

!!صارت مسخررررررررررره

انا بغيت انط بس معاي كتابي :P

الي نطوا صاروا أبطال الكل ايصفق لهم ويصفر......اي شي

الي نطوا كانوا سبعة موشايفين خير بس آخر واحد كان فلم الصراحة

الأخ عباله (جكيشان) توه شاقح الحاجز جان ايصفقونله شوي ....تحمس....قام يركض....و3 من القوات الخاصة وراه

يركض...وهذوله قربو منه...فجأة قعد عالارض وعط الي وراه عرجوب!!؟؟

قوي!!

جان يمسكونه ....طلعوا حرتهم فيه...شقو فنيلته...وعالدورية على طول

الوضع بالملاعب مسسسسسسسسخرة حسيت ثلث ارباع الجمهور عقد

تتوقعون رونالدينو شنو كان ايقول بقلبه حزتها؟