بعد ما مليت ولاعت جبدي من الدراسة (حق امتحان يوم الخميس) ...قلت اجرب الهبه الي هابين فيها الشباب هاليومين
ألا وهي الدراسة في المطار...شحقه المطار مادري...خلصت الأماكن!!...الي يسمع ايقول المكتبات العامة انترست من القراء...المهم...أول ما دشيت سمعت صرااااخ
.
.
.
بتاااااعي...بتاااااعي...انا قبله!!
شالسالفة؟
قالولي ان طيران الجزيرة مسوي عرض للتذاكر بـ 5 د.ك
اشدعوااااااااااااااا...انا اول شي عبالي ركاب طيارة طاردينهم
....اليوم قاعد اسولف مع موضف بالسفريات ايقول ان الجزيرة نزلت هذا الاعلان عن التذاكر وبعدها على طول سكرت (اغلقت) باب شراء التذاكر
يعني بالعربي الفصيح....ماكو تذاكر بـ 5 د.ك والي واقفين بالدور عالفاضي!!!...ينطرون (السيستم) يفتح عشان يشترون
بس الي صج كسر خاطري عامل مصري بجمعية الخالدية....خلص دوامه بالليل وراح نام بالمطار!!وكل ساعتين يسألهم اذا فتح السيستم ولا لا
يا الجزيرة ....ليش اللعب بمشاعر الفقاره؟؟؟
هناك ٩ تعليقات:
اي والله طيران الجزيره جنه سوق اليمعه خلو المطار هاهاها يعني قزرت بالرحله الى المطار
انا اتوقع طيران الجزيره عندهم باصات تطير مو طيارات
وتصدق احسن شي انك تروح تدرس بأماكن هاديه ما فيها ولا شي لا تلفزيون لا اوادم يعني مكتبه انا جذي اذا بدرس اخلي كل اغراضي بالبيت واروح مكتبه الجامعه انلطع وادرس بس لما تطلع المعلومات من عيوني
مشكله البيت ان وايد في شغلات تلهي التفكير كل شي يلهي عن الدراسه
موفج يا الحبيب
طيران الجزيرة كله يسوون جذي عروض
مرة سوو حسب ايام الشهر سعر التذكرة مثلا اليوم 4ىالشهر التذكرة ب4 دنانير باجر 5 الشهر التذكرة ب5 وجذي
بس هم حركة يلفتون فيها النظر يعني
مسكييين عامل الجمعية لوول والله حرام يلعبون بمشاعرهم
احلى شي المطار انا ارتاح نفسيالما اروح هناك
عيد ميلادي الي طاف ودوني وكان يوم عجيب صراحه مع انه كل المطار كان هنود بس كان يوم حلو كافيه انه عيد ميلادي ههههه =)
اي والله حرام ليش جذي
الصورة تخرع من الزحمه
الجزيره يسون عروض مبتكره وافكار .. بس عاد موحلوه جذي
اهم شي الدراسه اللي بالمطار ماجربتها صراحة.. من كثر ماادرس عاد
:")
MASHALLAAH !! eshfeehum il awadem chethy !! ... wa3layaa ekseraw kha6ri .. il ma6ar 9ar ekhare3 .. bada3aw 9ara7a il jazera ! .. uum derasa bel ma6ar ma jarabt .. bs it's better 2 study eb maktabat il jam3a .. 7ada hedou2 o 9ij wath3 derasa !
السالفة قوية عيل اكو تذكرة بـ
5
حتى البلايز بالسوق اغلى من خمس دنانير
بس حرام عليهم هالتصرف ..بصراحة مفروض الناس ما يسكتون عنهم
مشاعر الناس مو لعبة
وشنو يعني يقصون على عقولهم .. علبونه دعاية واعلان!!
تغيير مكان الدراسة من فترة الى اخرى ضروري في الحالات القصوى : )
فعلا حرام الي قاعد يسونه شذنبهم
هالمقيمين الفقاره
ولمه يسمع انه التذكره بهالسعر
اول شي يفكر فيه يروح يشوف اهله
ناس عديمين الاحساس والمسؤوليه
الشرهه مو عليهم الشرهه على الي مخليهم يسون جذي وساكت
مطار للدراسة ؟
على قولتك خلصت الأماكن الناس تروح البحر بس المطار صج أول مره أسمع عن هالهبه
كسروا خاطري هاللي ناطرين الله يكون بعونهمـ
*بالتوفيق =)
أبشركم: ابليت بلاءً حسناً في الامتحان...شكرا لكم جميعا
hosno...
اي والله باصات...عيل في طيران بالدنيا يقوفن 200 واحد بالدور...لو يوزعون أراااضي ما أوقف
:)
manooya...
سافر عشرين ألف دولة ...لكني ولا مرة شفت (مجمع تجاري) قبل الجمارك...المطار فيه كل انواع المحلات والمطاعم(وبعد في قهوة وشيشة بره) فما استبعد تصير طلعتكم حق المطار ^_^
Nescafé...
مو تدرين انا يسموني "انشتاين" من كثر الدراسة....خييييير ان شالله
الحال من بعضه يا نسكافيه
le2o...
بالضبط هذا الي سويته بعد المطار... يا حلات مكتبة الهندسة...هدوء وماكو أحد
"ثانكيو فور عادفايس"
ترجميها!!
alather...
لا تغرج الخمسة...التذكرة بخمس دنانير و الضريبة بعشريين
~ajMaLjaMeLa
الي قاعد ايصير ان الجزيرة قاعد اتفكر تفكير (تجاري) بحتتت...وطاف باحاسيس الناس ...ولا عيل في شركة تنزل اعلان بعدين تصكر باب التسجيل؟
شكرا عالمرور
KeChie-ChaN...
لازم اتجربينها مره...مادري ليش احسج تحبين قهوة
cinnabon
درسي هناك
:)
اقول حساوية... جني شايفج واقفه وايهم؟؟ مو انتي الي لابسه حجاب اخضر قاعد اتطالع الكاميرا؟؟
إرسال تعليق